Rwanda on African Updates

Revolutionize Your Data Discovery:🚀Introducing ULPsearcherRobot – The Ultimate Database Powerhouse on Telegram!

Mon, 08 Dec 2025 00:00:00 +0000

🚀 Revolutionize Your Data Discovery: Introducing ULPsearcherRobot – The Ultimate Database Powerhouse on Telegram!

For Immediate Release December 8, 2025 New Delhi, India

In today’s data-driven world, unlocking valuable insights shouldn’t require endless hours of manual searching or clunky tools. Enter ULPsearcherRobot (@ULPsearcherRobot), the cutting-edge Telegram bot that’s transforming how professionals, researchers, and businesses access premium databases with lightning-fast precision. Developed by visionary tech innovator 10moy (@iam_10moy), this powerhouse tool is here to supercharge your workflow – and yes, it’s packed with exclusive database offerings ready for seamless purchase.

Gakwaya Olivier yagizwe Umuvugizi mushya wa Rayon Sports, hashyirwaho Komisiyo enye zunganira Komite nshya

Fri, 05 Dec 2025 00:00:00 +0000

Kuri uyu wa Kane tariki ya 4 (ukwezi kutavuzwe), mu kiganiro n’itangazamakuru cyabereye kuri Hôtel des Mille Collines, Murenzi Abdallah, Perezida wa Association Rayon Sports uyoboye ubuyobozi bw’inzibacyuho, yatangaje ko Gakwaya Olivier ari we wagizwe Umuvugizi mushya w’ikipe, hanashyirwaho komisiyo enye zizamufasha mu kazi ko kuyobora mu mezi atatu y’inzibacyuho.

Gakwaya Olivier, wabaye Umunyamabanga wa Rayon Sports mu 2013 ndetse no muri 2017, ni we wahawe inshingano zo kuvugira ikipe. Ubusanzwe ni umwe mu bazi neza imiterere n’imicungire y’iyi kipe ikundwa n’abatari bake mu Rwanda.

Umusifuzi Uwikunda Samuel yarezwe na Zamalek muri CAF.

Mon, 01 Dec 2025 00:00:00 +0000

Umusifuzi w’Umunyarwanda, Uwikunda Samuel, uri mu basifuzi bemewe n’Impuzamashyirahamwe ya Ruhago muri Afurika (CAF) bayobora imikino ya CAF Confederation Cup 2025/2026, yarezwe na Zamalek SC yo mu Misiri.

Zamalek SC yakinnye na Kaizer Chiefs mu mukino wabaye ku wa 29 Ugushyingo 2025 mu gihugu cya Afurika y’Epfo. Uyu mukino warangiye amakipe yombi anganyije igitego 1–1.

Ni umukino w’umunsi wa kabiri mu itsinda D. Nubwo Zamalek iri ku mwanya mwiza, ntabwo bishimiye uko uyu mukino wasifuriwe. Zamalek ivuga ko yimwe igitego cyemewe, ikakwa penaliti itahawe, ndetse igahabwa amakarita itari akwiye.

RGB Yashyizeho Ubuyobozi Bushya bwa Rayon Sports, Murenzi Abdallah Ayobora Komite y’Agateganyo

Wed, 26 Nov 2025 00:00:00 +0000

Nyuma y’iminsi myinshi Rayon Sports Association irimo ikibazo cy’amakimbirane n’ubwumvikane buke hagati y’abayigize, Urwego rw’Igihugu rw’Imiyoborere RGB rwatangaje ko Murenzi Abdallah ari we muyobozi mushya w’uyu muryango, nyuma yo gusesa ubuyobozi bwari buriho.

Ku wa 25 Ugushyingo 2025, ku cyicaro cya RGB, hateraniye inama yihariye yahuje ubuyobozi bwa Rayon Sports Association n’uru rwego. Iyo nama yaje nyuma y’uko Inteko Ishinga Amategeko, Umutwe w’Abadepite, usabye RGB gukurikirana ibibazo by’uyu muryango, nyuma y’uko abanyamuryango ubwabo bari bamaze igihe bagaragaza ko batumvikana, ibintu byageze no mu bitangazamakuru bitandukanye.

Al Merrikh yararanye intsinzi ya mbere muri Shampiyona y’u Rwanda

Tue, 25 Nov 2025 00:00:00 +0000

Ku mugoroba wo kuri uyu wa Mbere kuri Kigali Pele Stadium, Kiyovu Sports yakiriye Al Merrikh mu mukino w’umunsi wa shampiyona warangiye Kiyovu itsinzwe ibitego 2-0.

Al Merrikh itozwa na Darko Novic wahoze muri APR FC, ikaba ari imwe mu makipe abiri yavuye muri Sudani yemerewe gukina Shampiyona y’u Rwanda. Yabashije kwandikisha intsinzi ya mbere muri shampiyona, itsinda Kiyovu Sports mu mukino utari woroshye.

Ibitego byombi byatsinzwe mu gice cya kabiri n’abakinnyi ba Al Merrikh, Daouda Ba na Mohammed Teya. Igitego cya mbere cyinjiye ku munota wa 68, naho icya kabiri kinjira ku munota wa 87, bituma Al Merrikh ibona amanota atatu ya mbere kuva yagera mu Rwanda.

Imvururu zikomeye zaranze umukino waraye uhuje Al-hilal na MC Alger muri stade Amahoro.

Sat, 22 Nov 2025 00:00:00 +0000

Al Hilal SC kuri ubu ibarizwa ku butaka bw’u Rwanda, aho izajya ikinira imikino yayo ya shampiyona nk’ikipe y’abashyitsi nyuma yo guhabwa uburenganzira na CAF. Kuri uyu wa gatanu tariki ya 21/11/2025 yakiriye mu Rwanda ikipe ya MC Alger mu mukino wabereye kuri Stade Amahoro, I Remera mu mujyi wa kigali.

Uyu mukino warangiye Al Hilal itsinze ibitego nibiri (2 ) kuri kimwe (1). Igitego cya mbere cya Al Hilal cyabonetse ku munota wa 2 w’inyongera w’igice cya mbere, gitsinzwe na Omer Yagoub. Ariko ku munota wa 53, M. Karshom wa MC Alger yahise atsinda igitego cyo kunganya.

Musanze F.C Ihaye ibyishimo abakunzi bayo itsinda APR.

Sat, 22 Nov 2025 00:00:00 +0000

U Rwanda rugiye guhagarika ubufatanye na Arsenal

Wed, 19 Nov 2025 00:00:00 +0000

U Rwanda, ribinyujije mu Kigo cy’Igihugu gishinzwe Iterambere (RDB), ruri mu nzira yo guhagarika amasezerano y’ubufatanye n’ikipe ya Arsenal.

Iyi mikoranire, inyuzwa mu mushinga wa Visit Rwanda, yatangiye mu mwaka wa 2018, ikazasoza muri Kamena 2026 nyuma y’imyaka umunani (8), nk’uko byemejwe n’impande zombi.

Ikipe ya Arsenal, ikunzwe n’abatari bake mu Bwongereza ndetse no mu Rwanda by’umwihariko, yambara ijambo “Visit Rwanda” ku kaboko. Iri zina rizakomeza kugaragara ku mwambaro w’iyi kipe kugeza igihe umwaka w’imikino uzarangirira.

Rwanda: Kwizera Olivier yagarutse mu Mavubi nyuma y’imyaka itatu adahamagarwa

Thu, 13 Nov 2025 00:00:00 +0000

Nyuma y’imyaka itatu umunyezamu Kwizera Olivier adahamagarwa mu ikipe y’igihugu Amavubi, umutoza Adel Amrouche yongeye kumugirira icyizere.

Kwizera Olivier, waherukaga guhamagarwa muri Kamena 2022, kuri ubu yatangiye umwiherero hamwe n’abandi bakinnyi bakina imbere mu gihugu, nubwo ubu nta kipe abarizwamo.

Umwiherero w’ikipe y’igihugu watangiye kuri uyu wa 12 Ugushyingo 2025, biteganyijwe ko uzasozwa ku wa 16 Ugushyingo, aho bazibanda ku myitozo yerekeye ubumenyi bwa tekinike.

Bamwe mu bandi bakinnyi bahamagawe barimo Ishimwe Pierre na Niyongira Patience, bafatanya na Kwizera Olivier mu kurinda izamu ry’Amavubi.

APR FC yongeye kwiyunga n’abakunzi bayo itsinda Rayon Sports

Sat, 08 Nov 2025 00:00:00 +0000

Kuri uyu wa Gatandatu, Tariki ya 8/11/2025 ni bwo hakomezaga imikino y’umunsi wa karindwi wa shampiyona, aho APR FC yari yakiriye umukeba wayo, Rayon Sports, kuri Stade Amahoro i Remera ibasha kubona intsinzi imbere y’abafana bayo, itsinda ibitego bitatu ku busa (3-0).

Ni umukino wari utegerejwe n’abakunzi benshi b’umupira w’amaguru mu Rwanda, kuko aya makipe yombi ari yo afite abafana benshi kandi ahora arangwa no guhangana gukomeye, buri yose yumva igomba gutsinda.

A.S Kigali FC yanganyije na Police FC.

Fri, 07 Nov 2025 00:00:00 +0000

APR FC ikomeje imyiteguro y'umukino uzayihuza na Rayon Sport FC kuri uyu wa gatandatu

Thu, 06 Nov 2025 00:00:00 +0000

Kuri uyu wa Gatandatu tariki ya 8 Ugushyingo, saa cyenda z’amanywa, kuri Stade Amahoro i Remera, nibwo ikipe y’Ingabo z’Igihugu APR FC izakira umukino uzayihuza na Rayon Sports FC. Uyu mukino w’amakipe yombi uzwi cyane ku izina rya _“_A Thousand Hills Derby” Derby y’u Rwanda rw’imisozi igihumbi.

Ni umwe mu mikino ikunzwe kurusha indi yose mu Rwanda, ukunze kurangwa n’impaka nyinshi mu bafana, n’imyiteguro iri ku rwego rwo hejuru ku mpande zombi.

Imikino: Abanyarwanda batangiye kwigaragaza muri CAF Confederation Cup

Mon, 27 Oct 2025 00:00:00 +0000

Imikino y’amajonjora ya mbere y’amarushanwa ya CAF Champions League na CAF Confederation Cup 2025/2026 irangiye, aho bamwe mu bakinnyi b’Abanyarwanda bakina hanze y’igihugu batangiye kwandika amateka mashya ku rwego rwa Afurika.

Abakinnyi batatu b’Abanyarwanda barimo Mugisha Bonheur, Ntwari Fiacre na Buregeya Prince, bamaze gufasha amakipe yabo kugera mu matsinda ya CAF Confederation Cup, irushanwa rikomeje gutanga icyizere mu iterambere ry’umupira w’amaguru muri Afurika.

Mugisha Bonheur, ukinira Al Masry yo mu Misiri, yabonye itike yo gukina amatsinda nyuma yo gusezerera Al-Ittihad yo muri Libya ku giteranyo cy’ibitego 2-1. Ntwari Fiacre, umunyezamu wa Kaizer Chiefs yo muri Afurika y’Epfo, yafashije ikipe ye gusezerera AS Simba yo muri RDC ku bitego 3-1 mu mikino yombi.

Ubutabera: U Rwanda rwishimiye ubutabera ku gihano cya Dr Munyemana Sosthène

Sat, 25 Oct 2025 00:00:00 +0000

Abanyarwanda bishimiye igihano cy’imyaka 24 cyemejwe n’Urukiko rwa rubanda rwa Paris mu Bufaransa kuri Dr Munyemana Sosthène wahamijwe ibyaha bya Jenoside

Abanyarwanda batandukanye barimo n’abaharanira ubutabera ku byaha bya Jenoside, bakomeje kugaragaza ko bishimiye icyemezo cyafashwe n’Urukiko rwa rubanda rwa Paris mu Bufaransa, cyemeza igifungo cy’imyaka 24 kuri Dr Munyemana Sosthène, wahoze ari umuganga w’abagore mu bitaro bya Kaminuza bya Butare (CHUB), nyuma yo guhamwa n’ibyaha bya Jenoside yakorewe Abatutsi mu 1994.

Ubutabera: Ubufaransa bukomeje gukurikirana imanza zijyanye na Jenoside yakorewe Abatutsi

Sat, 25 Oct 2025 00:00:00 +0000

Urubanza rwa Dr Munyemana Sosthène rwagaragaje intambwe u Bufaransa bwateye mu gukurikirana abakekwaho Jenoside

Urubanza rwa Dr Munyemana Sosthène rwasomwe n’Urukiko rwa rubanda rwa Paris ku wa 24 Ukwakira 2025, rwongeye kwibutsa amahanga ko ibyaha bya Jenoside bidasaza, kandi ko ubutabera bushobora kugera aho uwakoze icyaha ari hose. Uyu muganga wahoze akorera i Butare mu 1994, yakatiwe igifungo cy’imyaka 24 nyuma yo guhamwa n’ibyaha bya Jenoside n’ibyibasiye inyokomuntu.

Dr Munyemana, wavutse mu 1955 i Mbare muri Gitarama, yagiye kwiga mu Bufaransa nyuma ya Jenoside, aho yakomeje umwuga w’ubuvuzi imyaka myinshi kugeza ubwo yatangiye gukurikiranwa n’inkiko mpuzamahanga. Mu 2006 yashyizwe ku rutonde rwa Interpol, nyuma y’uko u Rwanda rusabye ko yoherezwa kuburanira mu gihugu ariko u Bufaransa bukabyanga. Nyuma y’imyaka irenga 20, ni bwo yagejejwe imbere y’ubutabera bw’u Bufaransa, kuva mu Ugushyingo kugeza mu Ukuboza 2023.

U Rwanda rwatangiye guhugura abarimu ku ikoreshwa ry’ubwenge buhangano mu burezi

Fri, 24 Oct 2025 00:00:00 +0000

Minisiteri y’Uburezi (MINEDUC) yatangaje ko gahunda yo guhugura abarimu ku ikoreshwa ry’ikoranabuhanga ry’ubwenge buhangano (Artificial Intelligence, AI) yatangiye gushyirwa mu bikorwa, hagamijwe guteza imbere uburezi bujyanye n’igihe n’ikoranabuhanga rigezweho.

Iyi gahunda ibarizwa mu murongo mugari w’Igihugu wo guteza imbere uburezi bushingiye ku ikoranabuhanga, nk’uko biteganywa n’Icyerekezo cya 2050 ndetse na gahunda ya kabiri ya Guverinoma y’imyaka itanu (NST2), byombi bishyira imbere kongerera ubumenyi n’ubushobozi abakozi bo mu nzego zitandukanye.

Mu nama nyafurika yahuje inzobere mu ikoranabuhanga ry’ubwenge buhangano mu burezi n’iterambere ry’umurimo yabereye i Kigali ku wa Kane, tariki ya 23 Ukwakira 2025, Minisitiri w’Uburezi, Dr. Nsengimana Joseph, yavuze ko igihugu cyatangiye kwitegura guhindura uburyo bwo kwigisha n’ubwo kwiga hakoreshejwe AI.

Nyuma yo gutsindwa na Benin, Amavubi ategereje umukino wa nyuma na Afurika y’Epfo

Mon, 13 Oct 2025 00:00:00 +0000

Kuri uyu wa Kabiri, tariki ya 14/10/2025 saa kumi n’ebyiri z’umugoroba, ikipe y’u Rwanda ‘Amavubi’ izacakirana n’iya Afurika y’Epfo (Bafana Bafana) mu mukino ukomeye wo gusoza urugendo rwo gushaka itike y’Igikombe cy’Isi cya 2026. Uyu mukino uteganyijwe kubera kuri Mbolela Stadium, iherereye mu burasirazuba bwa Afurika y’Epfo, ukaba utegerejwe n’abakunzi ba ruhago mu Rwanda no hanze yarwo.

Umutoza mukuru w’Amavubi, Adel Amrouche, yatangaje ko ikipe ye iri mu myiteguro ya nyuma kandi yiteguye guhatana ngo bazitabire imikino y’igikombe cy’isi.

Rwanda: Abakora ibikomoka ku mpu bahawe ubumenyi bushya bwo guhatanira amasoko mpuzamahanga

Sat, 11 Oct 2025 00:00:00 +0000

Kuva tariki ya 6 Ukwakira 2025, abakora ibikomoka ku mpu hirya no hino mu gihugu bari mu mahugurwa yateguwe na Minisiteri y’Ubucuruzi n’Inganda (MINICOM), ahuriwemo abasaga 600. Aya mahugurwa yasojwe ku wa Gatanu, agamije guteza imbere ubuziranenge n’ubucuruzi bujyanye n’igihe.

Bwana Twahirwa Christian, Umuyobozi ushinzwe guteza imbere inganda no kwihangira imirimo muri MINICOM, yavuze ko aya mahugurwa ari igisubizo kirambye kuko uru rwego rwakoraga rudafite ubunyamwuga buhagije.Yagize ati:

“Bahuguwe ku ngingo zitandukanye: gucunga business, uko basora, uko bacunga imari, uko bandika ibyo bakoze mu bitabo by’imari. Ni mu rwego rwo kubafasha kugira ubumenyi bwo guhangana ku isoko, bakabasha no kwisabira inguzanyo muri banki zitandukanye. Kugira ngo babigereho bagomba kubahiriza amategeko harimo no kwandika books of account n’ibindi.”

Rwanda: Perezida Kagame yambitse ipeti aba Ofisiye bashya 1,029 binjira mu Ngabo z’u Rwanda (RDF)

Fri, 03 Oct 2025 00:00:00 +0000

Kuri uyu wa Gatanu Tariki ya 03, U kwakira 2025, abasirikare 1,029 barangije amasomo ku rwego rwa ofisiye bahawe ipeti rya Sous-Lieutenant na Perezida wa Repubulika Paul Kagame, akaba n’Umugaba w’Ikirenga w’Ingabo z’u Rwanda (RDF).

Uyu muhango wabereye mu Ishuri rya Gisirikare rya Gako, mu karere ka Bugesera. wanahujwe no kwizihiza imyaka 25 iri shuri rimaze ritanga ubumenyi ku rwego rwa ofisiye.

Aba bahawe ipeti bari mu byiciro bine (4) bitandukanye harimo Abasoje amasomo y’imyaka 4, Abasoje umwaka 1, Abasoje amezi 8 n’abaturutse hanze y’u Rwanda

Amanota y’abarangije amashuri abanza n’icyiciro rusange aratangazwa kuri uyu wa kabiri

Mon, 18 Aug 2025 00:00:00 +0000

Itangazo rya Minisiteri y’Uburezi - MINEDUC ryo kuri uyu mugoroba rivuga ko amanota azatangazwa ku wa kabiri saa cyenda z’amanywa.

Iri tangazo kandi ryavuze ku ngengabihe y’umwaka w’amashuri wa 2025/2026 uzatangira tariki 8 Nzeri 2025.

Abanyeshuri ibihumbi 220 ni bo bakoze ibizamini bya Leta bisoza amashuri abanza mu mwaka w’amashuri wa 2024/2025, mu gihe abakoze ibisoza icyiciro rusange cy’ayisumbuye muri uwo mwaka ari 149 134.

Abashaka gukurikira iki gikorwa cyo gutangaza amanota bazakurikira kuri YouTube ya MINEDUC: https // www.youtube.com/@mineducmineduc

kigali: Uko kuzigama no guhuza imbaraga byahinduye ubuzima bw’abaturage i Nduba

Fri, 15 Aug 2025 00:00:00 +0000

Kuri uyu wa Gatatu, mu Murenge wa Nduba, Akarere ka Gasabo mu Mujyi wa Kigali, habereye ubusabane bwahuje abanyamuryango b’itsinda Umuhuza Smart Connect baturutse mu bice bitandukanye bya Kigali. Ni igikorwa cyitabiriwe n’ ubuyobozi bw’ Umurenge wa Nduba, ubuyobozi bw’ Akagari ka Gasanze, ndetse n’ abanyamuryango b’itsinda bo hirya no hino.

Muri uyu muhango, hagarutswe ku byagezweho mu mwaka wa 2025 ndetse hatangazwa n’aho bifuza kugera mu mwaka utaha wa 2026.

Ntazinda Erasme wahoze ayobora Akarere ka Nyanza yatawe muri yombi nyuma yo kweguzwa

Wed, 16 Apr 2025 00:00:00 +0000

Urwego rw’Igihugu rw’Ubugenzacyaha (RIB) rwataye muri yombi Ntazinda Erasme, wahoze ari Umuyobozi w’Akarere ka Nyanza, nyuma y’amasaha make yegujwe ku nshingano ze.

Ku wa 15 Mata 2025, Inama Idasanzwe y’Inama Njyanama y’Akarere ka Nyanza yateranye yemeza ko Ntazinda akurwa ku mwanya wa Meya kubera kunanirwa kuzuza inshingano ze.

Umuvugizi w’urwego rw’igihugu rw’ubugenzacyaha RIB, Dr. Murangira B. Thierry, yabwiye itangazamakuru ko Ntazinda yatawe muri yombi, yagize ati: “Nibyo koko Ntazinda Erasme arafunzwe, bishingiye ku iperereza riri kumukorwaho.”

Rwanda-Huye: Inkongi yangije Inzu z'ubucuruzi

Wed, 16 Apr 2025 00:00:00 +0000

Mu ijoro ryo ku wa kabiri rishyira ku wa gatatu, inkongi y’umuriro yafashe inzu ebyiri z’ubucuruzi mu mujyi wa Huye, ahazwi nko mu Cyarabu, yangiza ibintu byinshi bifite agaciro k’amafaranga arenga miliyoni 200 Frw.

Amakuru atangazwa n’ababonye uko byagenze aravuga ko inkongi yatangiye mu masaha ya saa yine z’ijoro. Abari aho bavuga ko iyo hatabaho gutabara kwa kizimyamoto, nta n’igice na kimwe cy’izo nyubako cyari gusigara kidakongotse.

Umwe mu bacuruzi ukorera muri imwe muri izo nyubako, ariko mu gice kitagezwemo n’inkongi, yavuze ati:
“Nari mvuye kureba umupira, bampamagara bambwira ko amaduka ari gushya. Polisi na kizimyamoto bari batarahagera, amazi yarashize basubirayo, basubiye basanga umuriro wamaze gufata ahandi. Nta wari gukiza na kimwe.”

Rwanda: Umunyamakuru Jean Lambert Gatare Yitabye Imana

Sat, 22 Mar 2025 00:00:00 +0000

Umunyamakuru Jean Lambert Gatare wari umaze igihe mu mwuga w’itangazamakuru mu Rwanda, yitabye Imana azize uburwayi.

Jean Lambert Gatare yitabye Imana mu ijoro ryo kuwa gatanu rishyira kuri uyu wa Gatandatu, aguye mu Buhinde aho yari yaragiye kwivuriza

Amakuru y’urupfu rwe yamenyekanye mu rukerera rwo kuri uyu wa Gatandatu tariki 22 Werurwe 2025 aho yari amaze iminsi yaragiye kwivuriza mu Buhinde.

Jean Lambert Gatare ni umwe mu banyamakuru bakunzwe cyane mu Rwanda, by’umwihariko mu bijyanye na siporo ndetse no kwamamaza. Yatangiye gukora kuri Radio Rwanda mu 1995. Guhera mu 2011 yatangiye gukorera Isango Star. Mu 2020 nibwo yagizwe umuyobozi w’agateganyo w’ikinyamakuru Rushyashya.

RWANDA: HABONETSE ABAFITE IBIMENYETSO BY'INDWARA NA VIRUSI YA MARBURG

Fri, 27 Sep 2024 00:00:00 +0000

Minisiteri y’ubuzima mu Rwanda MINISANTE, yashyizeho ingamba zo kwirinda no guhangana n’indwara y’umuriro mwinshi iterwa na virusi ya marburg.

Iri tangazo ryasohotse kuwa gatanu tariki ya 27, nzeri, 2024. rivuga ko bitewe n’uko mu bitaro bitandukanye byo mu Rwanda habonetse abarwayi bafite ibimenyetso by’indwara na virusi na Marburg hatangiye igikorwa cyo kumenya abagiye bahura n’abagaragaweho n’iyi virusi, mu ihe abarwayi bakomeje kwitabwaho n’abaganga.

Iri tangazo rikomeza rivuga ko hari gukorwa iperereza rigamije kumenya inkomoko y’iyi ndwara ndetse ubu hashyizweho ingamba zo kuyirinda no kuyikumira mu bitaro no mu bigo nderabuzima bitandukanye.

Amafoto: Ibirori byo kwizihiza umunsi wo kwibohora ku nshuro ya 30 mu Rwanda

Thu, 04 Jul 2024 00:00:00 +0000

Kuri uyu wa kane tariki ya 04 Nyakanga, 2024 u Rwanda ruri kwizihiza umunsi w’ubwigenge. Mu birori bibereye ijisho biri kubera kuri Stade Amahoro I Remera mu mujyi wa Kigali.

Byitabiriwe n’abahagarariye ingabo mu bihugu birimo Uganda, Tanzania, Sierra Leone na Kenya. Hari abaturage baturutse mu bice bitandukanye by’igihugu.

[caption id=“attachment_1249” align=“alignnone” width=“1257”] Ibirori byo kwizihiza imyaka 30 ishize u Rwanda Rwibohoye[/caption]

[caption id=“attachment_1250” align=“alignnone” width=“1197”] Ibirori byabereye muri Stade Amahoro ivuguruye[/caption]

Rwanda: Diane Rwigara yatanze kandidatire ku mwanya w'umukuru w'igihugu

Thu, 30 May 2024 00:00:00 +0000

Diane Shima Rwigara wifuza kuba umukandida wigenga mu matora y’Umukuru w’Igihugu ategerejwe muri Nyakanga 2024, yashyikirije Komisiyo y’Igihugu y’Amatora kandidatire.

Ni igikorwa cyabaye kuri uyu wa kane tariki ya 30 Gicurasi 2024 Kuri Komisiyo y’igihugu y’amatora NEC, akaba ari nawo munsi wa nyuma wo kwakira kandidatire ku bifuza kwiyamamaza ku mwanya wa Perezida wa Repubulika no ku mwanya w’umudepite.

Mu byangombwa bisabwa yatanze ibaruwa itanga kandidatire, umwirondoro, ikimenyetso kimuranga gishyirwa ku rupapuro rw’itora, ilisiti y’abantu 600 bashyigikiye kandidatire ye, inyandiko y’ukuri, icyemezo cy’ubwenegihugu Nyarwanda bw’inkomoko, Amafoto abiri magufi na fotokopi y’ikarita ndangamuntu, Hari kandi icyemezo cy’amavuko n’icyemezo cyerekana ko umuntu yakatiwe cyangwa atakatiwe n’inkiko.

Abacungamari bahawe Umukoro wo kugira Uruhare mu Gushyira mu Bikorwa Gahunda y’amasezerano y’isoko rusange ry’afurika AfCFTA

Fri, 19 Apr 2024 00:00:00 +0000

Muri congere y’abacungamari bo mu karere ka Afurika y’iburasirazuba EACOA iteraniye I Kigali mu Rwanda abo bacungamari bahawe umukoro wo kugira uruhare mu gushyira mu bikorwa gahunda y’amasezerano y’isoko rusange AfCFTA

ibyo ni ibyagarutsweho mu kiganiro cyatanzwe kuri uyu wa gatatu tariki ya 17 mata, 2024 cyagarukaga ku mahirwe n’imbogamizi Bihari ku masezerano y’isoko rusange ry’afurika.

Antoine Kajangwe umuyobozi Mukuru ushinzwe Ubucuruzi n’Ishoramari muri minisiteri y’ubucuruzi n’inganda mu Rwanda, yagarutse ku masezerano y’isoko rusange ry’afurika yashyiriweho umukono I Kigali mu Rwanda mu 2018, avuga ko agamije guhuriza hamwe isoko rigari ry’afrika binyuze mu guhahirana kw’ibihugu bigize umugabane.

Mu Rukiko: Yategetswe kwishyura hafi miliyoni 300 nyuma yo kwiruka mu nkiko

Wed, 13 Mar 2024 00:00:00 +0000

Mu nkiko haberamo imanza nyinshi, uru ni rumwe mu manza zabaye mu rukiko rw’ubucuruzi.

Banki ya Kigali Plc yatanze ikirego mu Rukiko rw’Ubucuruzi, isaba ko Nsengiyumva Fulgence yategekwa kwishyura umwenda remezo ayibereyemo ungana na 155.308.448 Frw, hiyongereyeho inyungu zibazwe kugera ku mwenda remezo, yose hamwe akaba 310.616.976 Frw. Urukiko rw’Ubucuruzi rwaciye urubanza rwemeza ko ikirego cya Banki ya Kigali Plc gifite ishingiro, rumutegeka kwishyura 300.000.000Frw.

Nsengiyumva Fulgence yajuririye Urukiko Rukuru rw’Ubucuruzi, ruca urubanza rwemeza ko agomba kwishyura 155.301.368 Frw aho kuba 300.000.000 Frw.

Rwanda: RURA yahyizeho ibiciro bishya by'ingendo

Wed, 13 Mar 2024 00:00:00 +0000

Urwego rw’Igihugu rushinzwe kugenzura imikorere y’inzego zimwe z’imirimo ifitiye Igihugu akamaro (RURA), ku wa Kabiri tariki 12 Werurwe 2024, rwashyize ahagaragara ibiciro bishya by’ingendo mu modoka zitwara abantu mu buryo bwa rusange, bizatangira gukurikizwa ku wa Gatandatu tariki 16 Werurwe 2024.

RURA kandi yashyizeho n’ibiciro ku byerekezo bishya bigera kuri cumi na bibiri byashyizweho.

Ibiciro ni ibi bikurkirika;

African Updates

Rwanda: Kazungu Dennis yakatiwe gufungwa burundu

Fri, 08 Mar 2024 00:00:00 +0000

Urukiko rwisumbuye rwa Nyarugenge, rwahamije Kazungu Denis ibyaha byose ashinjwa uko ari 10, rumukatira igifungo cya burundu.

Iki cyemezo cyafashwe kuri uyu wa 8 Werurwe 2024, aho Kazungu yahamijwe ibyaha icumi birimo kwica ku bushake, gusambanya ku gahato, iyicarubozo, kwinjira mu makuru ya mudasobwa cyangwa uruhererekane rwa mudasobwa mu buryo bunyuranyije n’amategeko, guhisha umurambo, gukoresha ibikangisho no gufungira umuntu ahatemewe.

Mu rubanza rwari rwabaye tariki ya 9 Gashyantare 2024, Ubushinjacyaha bwasabye urukiko guhamya Kazungu ibi byaha byose, hanyuma rukamukatira igifungo cya burundu, cibwa n’ihazabu ya miliyoni 10 Frw.

Inteko Y’Ubwongereza Yatoye ishyigikira gahunda yo Kohereza Abimukira Mu Rwanda

Wed, 13 Dec 2023 00:00:00 +0000

Inteko ishinga amategeko y’u bwongereza yaraye itoye umwanzuro wo gushyigikira gahunda y’igihugu cyabo yo kohereza abimukira mu rwanda.

Ni itora ryemeje ko u rwanda ari igihugu gitekanye. abatoye bashyigikiye iki cyemezo ni 313 mu gihe abatoye batagishyigikiye ari 269.

Iyi gahunda leta y’ubwongereza ivuga ko igamije guca intege abimukira bambuka bajya muri icyo gihugu mu buryo butujuje ibisabwa.

minisitire w’intebe w’ ubwongereza sunak yavuze ko biri mu byibanze yitayeho ku buyobozi bwe.

Rwanda: Umunyeshuli ucyekwaho guta umwana aho bajugunya imyanda yatawe muri yombi

Sat, 02 Dec 2023 00:00:00 +0000

Urwego rw’Igihugu rw’Ubugenzacyaha (RIB), rwataye muri yombi umukobwa w’imyaka 19 wiga muri Kaminuza y’u Rwanda, Ishami rya Huye, akekwaho gukuramo inda, umwana akamuta aho bajugunya imyanda, .

Ni nyuma y’uko mu nyubako icumbikamo abakobwa izwi nka Benghazi, mu gitondo cyo kuri uyu wa gatanu hatoraguwe uruhinja rw’amezi 8 rwari mu gatebo gasanzwe gashyirwamo imyanda rwasanzwe rwapfuye.

Urwo ruhinja ngo rwabonywe n’umukozi ushinzwe amasuku bigakekwa ko byaba byakozwe numwe mu banyeshuli baharara.

Abadipolomate batandukanye bitabiriye Umuganda rusange

Mon, 31 Jul 2023 00:00:00 +0000

Bamwe mu baturage bavuga ko kwegerezwa amarerero hafi yabo, ari kimwe mu bizafasha abana babo mu bijyanye n’uburezi n’uburere ndetse no kugira imikurire myiza.

Kuri uyu wa Gatandatu bamwe mu bahagarariye ibihugu byabo mu Rwanda n’abandi bayobozi bifatanyije n’abo baturage mu gikorwa cyo kubaka irerero ry’ikitegererezo mu Murenge wa Kimisagara.

Ni irerero ririmo kubakwa mu Mudugudu wa Sangwa, Akagali ka Kimisagara, rifite ubushobozi bwo kwakira abana 240.

Hubatswe umusingi w’inyubako zaryo ndetse hahangwa umuhanda urigeraho.

Ingabo z' u Rwanda zabeshyuje igisirikare cya Congo FARDC

Fri, 28 Jul 2023 00:00:00 +0000

Ubuyobozi bw’Ingabo z’u Rwanda bwamaganye ibirego byasohowe n’ingabo za Congo FARDC zishinja Ingabo z’u Rwanda ko zagabye igitero muri Kivu y’Amajyaruguru.Ni mu itangazo ryashyizwe ahagaragra kuri uyuwa Gatanu tariki ya 28 Nyakanga 2023.RDF ivuga ko ibi birego ari ibinyoma kandi nta shingiro bifite ahubwo biri mu mugambi wa Leta ya Congo wo kuyobya uburari ku bibazo ifite birimo kunanirwa gukemura ibibazo by’imbere mu gihugu no kubungabunga amahoro n’umutekano ku mipaka yabo, mu gihe inakomeje gushyigikira no guha intwaro umutwe w’terabwoba wa FDLR ugizwe na bamwe basize bakoze Jenoside mu Rwanda.